Lidia India e Latexo

Lidia India é unha cantora e compositora da comarca de Ferrolterra, no norte de Galicia. Tras a súa estancia en Sudamérica, principalmente en Brasil, a súa música vese influenciada polos ritmos afro-brasileiros que se mesturan coas súas raíces musicais galegas.

Da mestura entre a banda de Lidia India e Latexo Percusión xorde un formato único, que eclosiona nesta proposta de World Music, formada por oito intérpretes e cun formato que inclúe entre os seus instrumentos principais: batería, baixo, guitarra, teclado, voces e un amplo set de percusión africana, brasileira, cubana e galega.

A enerxía, unha gran conexión e interacción co público e os momentos nos que entra en escena a danza, son algúns dos piares deste proxecto.