Latexo Percusión

Play Video

Espectáculo de rúa

En Latexo estamos decididas a achegar a percusión, a música e a ledicia a tódalas persoas. A través dun espectáculo de animación único, baseado na batucada brasileira, a percusión de rúa de Latexo transportaranos a diferentes lugares do mundo nos que a ledicia, o ritmo e o movemento forman parte do cotián.

O novo espectáculo de animación de rúa de Latexo foi creado con moito mimo. Puxemos especial énfase no coidado do noso son e dos nosos arranxos musicais, de creación propia, así como das coreografías e a posta en escea, xerando así un espectáculo dinámico, versátil e de calidade.

Visita a páxina do espectáculo

Lidia India e Latexo

A banda de escenario de Latexo Percusión

"Fai aproximandamente un ano comecei un proceso creativo importante do que xurdiron varios temas, inspirados no momento que atravesábamos. Xurde o desexo de valorar as pequenas cousas, os encontros , a esperanza de rexurdir e o disfrute da vida.
Durante o proceso, recibo unha chamada de Andrés que busca unha voz e melodías para facer un repertorio de escenario con Latexo. A maxia estaba asegurada.
E aí e cando decidimos xuntar as dúas propostas e comenzamos a perfilar o que sería Lidia India e Latexo.
Estamos moi ilusionadas co noso primeiro disco, "Nas rúas". Está composto por 9 temas onde poderemos atopar elementos de reggae, funk, samba, maracatú...sempre sen esquecer a nosa raíz galega."
Lidia India

Play Video

Visita a páxina de Lidia India e Latexo

Actividades formativas

A formación é un dos grandes piares do noso proxecto e unha das cousas que máis nos motiva e apaixona.
Neste sentido temos desenvolvido varias vías como son a escola de Latexo, a través da que impartimos clases regulares de batucada en diferentes núcleos; o Campus de Batucada, que consiste nun intensivo con contidos de carácter transversal; ou os obradoiros puntuais de danza, construción de instrumentos ou percusión, tanto africana coma brasileira.