Como novidade nesta edición creamos un novo espazo musical Infantil para idades de 6 a 12 anos onde poderán gozar de múltiples actividades lúdico-creativas nunha contorna rural inmellorable!
A idea deste espazo xorde como ferramenta de conciliación tanto para nais e pais que queiran asistir ao Campus de Batucada, como para familias da zona que poidan estar interesadas.
No Campus infantil teremos como piares basee a convivencia, o xogo e a música para traballar desde a práctica contidos como:

1. O ritmo
2. A danza
3. A voz como instrumento
4. Instrumentos típicos de batucada e achegamento aos ritmos de salvador de baía
5. O corpo como instrumento
6. Expresión e creatividade
7. A natureza e as súas posibilidades sonoras

Ademais, realizaremos un roteiro pola contorna e teremos espazos para improvisar e expresarnos libremente segundo a música inspírenos.